Իսպանիայի առաջնության եզրափակիչ՝ 38-րդ տուրում, Մադրիդի «Ռեալը» ընդունել էր «Օսասունային»: Հանդիպումն ավարտվեց «Արքայական» ակումբի հաղթանակով՝ 4:2 հաշվով:
Ժոզե Մոուրինյոյի՝ որպես Մադրիդ «Ռեալի» գլխավոր մարզչի, վերջին խաղում «Ռեալը» բեկումնային գնդակը խփեց հանդիպման 69-րդ րոպեին: Աչքի ընկավ Կարիմ Բենզեման: «Ռեալի» համար Պրիմերայի ավարտվող մրցաշրջանի վերջին գնդակը խփեց Կալյեխոնը: Իսկ Էսյենը և Իգուայինը խփեցին թիմի 100-րդ և 101-րդ գնդակները Պրիմերայի այս մրցաշրջանում:
Հանդիպման ինտրիգը հենց Մոուրինյոնի վերջին խաղն անցկացնելու փաստն էր, այլ ոչ թե հանդիպումը:
«Ռեալ» - «Օսասունա»՝ 4:2
Գոլերը՝ Իգուաին 35, Էսյեն 38, Բենզեմա 69, Կալյեխոն 87 – Մորալես 52, Սեխուդո 63
Ավելացնենք, որ մրցաշրջանը «Ռեալը» ավարտեց երկրորդ հորիզոնականում՝ իր ակտիվում ունենալով 85 միավոր: «Օսասունան» 39 միավորով 15-րդն է:
|