Ինչպես արդեն տեղեկացրել ենք, հունիսի 10-ին Կոպենհագենի «Պարկեն» մարզադաշտի մամուլի ասուլիսների սրահում տեղի ունեցավ Հայաստանի ազգային հավաքականի գլխավոր մարզիչ Վարդան Մինասյանի մամուլի ասուլիսը, որը նվիրված էր հունիսի 11-ին կայանալիք 2014թ. Աշխարհի գավաթի խաղարկության Դանիա-Հայաստան ընտրական հանդիպմանը: ՀՖՖ պաշտոնական կայքը հայտնում է, որ պատասխանելով Հայաստանի և Դանիայի ԶԼՄ-ի ներկայացուցիների հարցերին, Վարդան Մինասյանը մասնավորապես նշեց, որ Մալթայի հավաքականի հետ հանդիպման արդյունքն՝ արդեն անցյալ է, և պարզապես պետք վերլուծություններ անել այդ խաղից: Մարզիչն ընդգծեց, որ տղաները պատրաստ են հանդիպմանը, ավելացնելով որ Մալթայի հավաքականի հետ հանդիպման համեմատ մեկնարկային կազմում կլինեն փոփոխություններ: «Դանիայի հավաքականն ուժեղ մրցակից է, սակայն այս հանդիպման ընթացքում ճնշումն և պատասխանատվությունը ավելի շատ կլինեն տանտերերի վրա, եթե հաշվի առնենք թիմերի տեղերը մրցաշարային աղյուսակում», - եզրափակեց ասուլիսը Վարդան Մինասյանը:
|